*العلب الصحيه المناسبه لحفظ طعام الأطفال :
ماركه لوك اند لوك lock and lock :
ماركه لوك اند لوك من أقدم الماركات المعروفه لحفظ جميع الاطعمه و الحقيقه ماركه اثبتت تواجدها ف الأسواق العالميه و العربيه .
جمعت ليكو مجموعه مميزه جدا من منتجات الأطفال ل ماركه لوك اند لوك و مهم جدا تواجدها ف اي بيت فيه أطفال و ب كده هنبقي متطمنين اننا بنحافظ على أكل أطفالنا و صحتهم .
اولا : العلب العاديه
و المقصود هنا بالعلب العاديه العلب الصغيره اللي نعمل مثلا وجبه صغيره للبيبي و يتم حفظها داخلها وتبقى جاهزه للاكل ف اي وقت و ف نفس الوقت سهله تتحط داخل اي شنطه و مش هتاخود مكان و لا هتسرب خالص و من أشكال العلب دي مثال زي دي مثلا
دي من العلب اللي حجمها صغير عمليه جدا لحفظ اكل طفل و كمان فيها منها نفس الحجم مربع و مستطيل
وعشان أسهل عليكوا الموضوع اختارو الأحجام دي ٢٥٠م و ٣٥٠م و ٤٥٠م.
ثانيا : العلب المقسمه
لوك اند لوك نزلت أنواع علب رائعه الاستخدام الحقيقه وهي نوع من العاب المقسمه من الداخل يعني من جوه هتلاقي العلبه متقسمه تاخود اكتر من نوع طعام و كمان فيها ميزه حلوه جدا أن التقسيمات متحركه يعني ممكن تشيليها أو نلغيها خالص أو نسيب جزء و نلغي جزء الشركه أصدرت منها مقاسات كتيره جدا من أصغر حاجه لأكبر حاجه و دي بتكون شكلها
حاولت ف الصوره دي أقرب ليكو الوصف عشان يبقى سهل 👆👆
ثالثا:لانش بوكس
لانش بوكس مش هتلاقوا زيه ف اي ماركه تانيه هوه عباره عن شنطه حافظه للحراره يتحفظ درجه حراره الطعام ١٢ ساعه تقريبا و كمان داخل الشنطه ٢ علبه ٣٥٠م هوه مقاس عملي جدا للأطفال و من ضمن العلب علبه متقسمه و ب تقسيمات متحركه و كمان معاه زجاجه صغيره للعصير و دا بيبقى شكله من الداخل و الخارج
هتلاقوا متاح منه أشكال و موديلات كتير. كمان عملي جدا ف السفر و الرحلات .
رابعا:منتجات ذكيه للأطفال داخل المنزل
الحقيقه ان لوك اند لوك أبدعت ف توفير مستلزمات الأطفال داخل المنزل و عشان المنتجات لفتت نظري صورت كل واحد بالتفصيل و كمان ليهم استخدامات وهميه هقولكوا عليها تحت كل صوره
طقم بولات صغيره للأطفال مكون من ٥ بولات حجمهم عملي للأطفال كل بوله لون و كمان معاهم علبه للحفظ لوحدها وممكن تستعمليهم للمهلبيه و الرز بلبن لونهم هيحفز الأطفال انهم ياكلو .
العلبه لوحدها ١ لتر و عمليه جدا الحقيقه تستخدم مثلا لحفظ الملبس للأطفال و الحلويات وغيره
نفس فكره طقم البولات و لكن الطقم دا مج عباره عن ٥ مج ب ألوان زاهيه جدا و جذابه هيساعد طفلك كتير ف انه يشرب مثلا شوربات بسهوله أو كورن فليكس أو بليله هوه فعلا منتج مميز غير أنه معاه دورق ١ لتر لحفظ العصير و اللبن الخاص بالأطفال .
متوفر كمان كوبايات للعصير عاديه انا صورتها داخل البولات عشان يبان تناسق الألوان و الأشكال طقم الكوبايات عباره عن ٧ كوبايات مع بعض لجميع أنواع السوائل الخاصه بالطفل .
كده انا جمعت ليكو تقريبا جميع الأغراض الصحيه اللي تنفع للطفل بالنسبه للمنتج أمن تماما ع الصحه و خالي تماما ََمن اي مواد ضاره و امن الاستخدام للمشروبات الساخنه و البارده و امن الاستعمال ف غساله الأطباق
بالنسبه لجميع أنواع الازايز الصحيه الخاصه ب الأطفال هتلاقوها ع اللينك دا
https://rknplastic.blogspot.com/2018/12/blog-post_49.html
