حفظ تحضيرات اكلات رمضان

• هي أيام معدوده لازم نعمل جدول مميز العباده فيها من ختم قرءان و صلاه تروايح و عبادات و للأسف كتير من ستات البيوت نص اليوم ف رمضان عندهم بيضيع ف الأكل..
• قررت أن احنا مختصر وقت الطبيه ف رمضان ب اننا هنحضر معظم اكلات الشهر العظيم و هنحفظها ف الفريزر و ف علب صحيه وقبل الفطار ب وقت قليل هنطلعها للتسويه على طول . 

دي خطواط بسيطه و سهله التحضيرات ممكن تاخود وقت مننا لكن هتوفر علينا و قت كبير جدا ف الشهر العظيم اننا نتفرغ العباده و ف نفس الوقت أكلنا يكون جاهز و لذيذ كمان..

ودي بعض الوصفات أو الأفكار اللي ممكن تتبعها قبل حلول الشهر الكريم ب ايام قليله😍😍

اولا: اللحم المفروم 

معظم وصفات اللحم المفروم اللي بنعملها بتكون أساسها اننا نتبل اللحمه المفرومه

الطريقه :

نحضر👇

بصي مفررم ناعم جدا 

ملح 

فلفل اسود 

طماطم مهروسه و دي ف بعض الوصفات مش كلها 

ثم👇

ف بوله أو عجان هنحط كل كميه اللحمه المفروم و معاها  البصل و الملح و الفلفل هيتم خلطها جيد جدا لحد ما تكون جاهزه. 

• ف حاله اننا عاوزين نعمل كفته مشويه ف هناخود كميه مناسبه من الكميه اللي عندنا و نعملها صوابع و نرصها ف علب الطعام الصحيه و اتكلمنا عن ماركتهم قبل كدا 
• ف حاله اننا عاوزين نعمل كفته بانيه هنحضر جزء من الخليط اللي احنا عملنا و نعمله صوابع و بيتم تتبيله ف بيض مخفوق و دقيق هنحط كل صباع لحمه مفرومه ف الدقيق ثم البيض الخفوق المضاف ليه ملح و فلفل ثم بقسماط و بنفس الطريقه اللي فاتت هنرصها ف علب بلاستيك صحيه . 
• ف حاله اننا عاوزين نعمل اي حاجه فيها لحمه مفرومه و بشاميل مثلا ف هنشيل باقي اللحمه المفرومه ف العلب دي بدون تشكيلها صوابع أو غيره . 

ثانيا :الفراخ الصحيحه 

خلطات الفراخ الصحيحه سهله و بسيطه 

• طبعا هيتم تنضيف الفراخ كويس جدا جدا و نتأكد من خلوها من أي زفاره 
• هيتم تقطيع قطع الفراخ حسب الرغبه و دي بعض الأفكار المناسبه للحفظ 

الطريقه 

نحضر 👇

بصل مفروووم 

ملح 

فلفل 

بيض 

بقسماط

دقيق

جزر 

كاتشب

مايونيز

طماطم مهروسه

ثوم بودر 

بصل بودر 

بيتم استعمالهم ف خلطات متنوعه زي دي 👇👇

• بعد تنضيف الفراخ جيدا هيتم وضعها ف التتبيله ( رش ملح و فلفل ثم الدقيق ثم البيض ثم البقسماط ) و حفظها ف العلب الصحيه ف الفريزر. 
• هيتم سلق قطه الفراخ اولا ودي خطوه مهمه و بيتم تتبيلها بالخليط( الكاتشب و المايونيز ودا اختياري ثم الدقيق ثم خليط البيض ثم البقسماط)  بيتم ترتيبها ف العلب الصحيه و تطلع على القلي على طول . 
• لو حابه تتبلي الفراخ بعد السلق ب ملح و فلفل فقط للتشويح ع الزيت فقط لازم يتم سلقها الأول جيدا. 

ثالثا :الفراخ البانيه 

الفراخ البانيه ليها طرق مميزه و كتيره الحقيقه و دي من اشهر الوصفات ليها العمليه و اللي تنفع للحفظ

طريقه البانيه العاديه 

• بيتم تتبيل القطع البانيه  ف البيض و الدقيق و البقسماط و حفظها بطريقه عاديه جدا ف العلب . 
• طريقه الشورى ( بصل و طماطم و ملح و فلفل و ثوم بورد و بصل بودر) بيتم تتبيل قطع الفراخ فيها كويس و بيتم ترتبَيبها داخل العلب الصحيه.. 
• كوردون بلو  مع تتبيله القلي العاديه هيتم حشو قطع الفراخ السميكه ب قطع بسطرمه و الزيتون وجبنه موزريلا  وسلامي لو كان متوفر  

يتم التأكيد على الحشو داخل كل قطع فراخ و بيتم حفظها داخل العلب الصحيه.

رابعا :الأسماك 

الأسماك المقليه فقط بيتم تتبيلها( بالدقيق و الملح و الكمون و الشطه) و حفظها ف العلب الصحيه دا خل الفريزر. 

خامسا :السوبيا 

• بيتم التتبيل أيضا ب (الملح و الكمون و الليمون و الدقيق) طبعا بعد تنضيفها كويس جدا ودا تحضيرا للقلي فقط بيتم حفظها ف العلب الصحيه الخاصه بها. 

• يمكن أيضا تنضيفها بدون إضافات نهائي لأفكار اكل تانيه بدون قليه..

سادسا:الجمبري

بيتم غسله جيدا و ترتبيه داخل العلب الصحيه بدون اي إضافات.

سابعا :الصلصات 

• بيتم ضرب كميه طماطم كبيره ف الخلاط و تقسيمها إلى عصير طماطم بدون تسبيك
•  صلصه بيتم تسبيكها قبل الحفظ بطريقه التسبيك العاديه..و ف الحالتين بيتك حفظها ف علب صحيه للسوائل  

ثامنا :السمن و الزبده 

• بيتم تحضيرهم و اعاده تسيحهم ع النار و جمعهم ف علب مخصصه لحفظ السمنه و الزبده لتكون بشكل صحي و ف نفس الوقت تكون سهله الاستخدام.

تاسعا:عسل الحلويات او الشيره

لتوفير وقت و جهد الحلويات بيتك عمل كميه كبيره من الشيره أو عسل الحلويات و بيتك حفظها ف علب سوائل خاصه بيها . 

عاشرا: مكسرات الحلويات

بيتم تحضيرها و طحنها و جعلها جاهزه للحشو دي خطوه مهمه جدا بالنسبه لعشاق الحلويات و بيتم حفظها ف علب صحيه أيضا  .

الحادي عشر :صواني الرقاق باللحمه المفرومه
 من الصواني الجاهزه اللي ممكن تعملها و نحفظها ف الفريزر و تبقى جاهزه ع الطهي على طول .

الثاني عشر الخضروات :

بيتم سلق جميع الخضروات اللي ممكن طبخها ف المطبخ (بسله . باميه.. جزر . فاصوليا..) بيتم ساقها نص سلق  ليس سلق كامل و بيتم حفظها ف الفريزر لأطول وقت .

كده حاولنا نجمع ليكو أفكار مميزه لتحضيرات طعام رمضان و لو عندكو اي افكار تانيه ياريت تشاركونا بيها.