ازايز الأطفال الصحيه

كل ام طبعا بيبقى هدفهم الأول صحه أطفالهم و انتشر الايام دي أنواع رديئة جدا للبلاستيك اللي بتسبب أمراض خطيره للأسف مش كل الناس دلوقتي مدركه النقطه المهمه دي أن صحتنا و صحه أطفال تستاهل نتعب شويه و ندور على ماركات اصليه و أمنه و صحيه..

طيب عاوزين نعرف أرقام الازايز و استخداماتها كلها.
الكلام اللي جاي دا كله لأرقام بلاستيك صحيه لماركات اصليه و معروفه وركزو كويس على ماركات و اصليه

اولا:
الزجاجات المكتوب عليها رقم" ١ "دي خامات البلاستيك نفسه رقيق جدا و مش سميك و دا بنفضل نستخدمه ف المياه فقط و ليس العصائر .
نجيبها ف الماركات فقط غير كده بلاش نجيب لو اي نموذج مش معروف .

ثانيا :

زجاجات رقم "٥"
 أمنه الاستخدام ف غساله الأطباق و الميكرويف
و أمنه الاستخدام للمشروبات الدافئة
و أمنه الاستخدام للعصائر و الالبان بجميع انواعها..
لو اي نوع عصير فضل فيها و هي مقفوله كده هيفضل طازه و مش هيبوظ 🤩
البلاستيك  سميك شويه و بينزل فيها ألوان كتير.

ثالثا:
رقم" ٧"
 امن الاستخدام ف غساله الأطباق  الميكرويف
 و امن الاستخدام السوائل الساخنه َ لا يتفاعل معها إطلاقا
 "ملحوظه  :يجب التأكد من خلوه تماما من ماده bpa الضاره بالصحه
بلاستيك سميك ب ألوان شفافه أقرب كتيير للزجاج يعني اللي يشوفه من بعيد هيفتكره زجاج.

👆👆دي الأرقام اللي هتلاقوها متاحه ف الماركات.
 أكرر تاني الماركات الاصليه و احذرو التقليد من فضلكوا
كمان لازم تكون كل الارقام مكتوب عليها bpa free
اتأكد من مصدر مشترياتك و انا هضيف ليكو لينكات ثقه للتعامل معاها داخل جمهوريه مصر العربيه .
 طيب ندور على ماركات ايه ؟؟
المتاح ف السوق و ماركات َ تقدرو تثقوا فيها
لوك اند لوك  lock and lock ماركه مميزه و جودتها عاليه و ألوان الزجاجات فيه حلوه جدا و جذابه للأطفال
عمليه ومش صعبه ف التعامل هتلاقي أشكال وموديلات كتير اختاري اللي يناسب طفلك .
سيستيما sistema ألوانها حلوه و فيه أشكال و مقاسات كتير وطرق فتح مختلفه .
كيرفر curver هتلاقي المميز فيها الكوبايات المحكمه الغلق لحفظ السوائل أو الكورن فليكس مثلا و سلطات الفواكه استخدامها بره البيت اكتر ألوانها مش كتير لون أو اتنين فقط .
احب ماركه إلى قلبي هي لوك اند لوك فعلا منتج يستاهل ندفع فيه فلوس و نبقى مطمنين على صحتنا و صحه أولادنا..كمان سعرها بالنسبه لباقي الماركات مش غالي
🤩🤩🤩

ازاي نحفظ الخضار بشكل صحي لأكثر من اسبوعين

ازيكو🤩🤩
النهارده هنتكلم ازاي نحفظ الخضار بشكل صحي و امن تماما ع الصحه.
اولا عشان نحفظ الخضار سواء الخضروات زي الخيار.. الطماطم.. و غيره أو الخضروات الورقيه زي الخس و الجرجير و البقدونس و غيره
اولا: هنغسلهم جامد جدا و هنسيبهوم ينشفوا و بناكد جدا على أنهم ينشفوا تماما..
ثانيا : الطماطم و الخيار هنختار ليها علب صحيه حجم كبير و غويط انت شخصيا بحب جدا ماركه لوك اند لوك و واثقه فيها بجانب بعض ماركات تانيه العلب هتكون بالشكل دا

انا دايما باكد أن العلب لازم تكون محكمه الغلق جدا جدا لأن سبب رئيسي لأن الخضار يبوظ أو يحمض أن يدخل ليه هوه أو ميكونش محفوظ ف علب محكمه الغلق و مانعه للتسريب.

بعد ما اتاكدنا أن الخضار نشف تماما هنحطه جوه العلب الصحيه و نسيبه ف درجه حراره التلاجه من ساعه ل ساعه ونص بدون غطاء بعد ما الوقت يعدي هنغطيه عادي جدا .

ثالثا:بالنسبه للخضروات الورقيه كتير مننا بيشتكي انها مش بتكمل يومين ف التلاجه و بتبوظ على طول أو حاجه شكل علب حفظ الورقيات متبقاش غويطه خالص و موجوده ف ماركات كتير ودي شكل ماركه لوك اند لوك 

هنغسل الورقيات كويس اوي و هنسيبها برضه تنشف كويس جدا الخطوه دي من اختيارك لو عاوزه بقدونس مقطع مثلا او عاوزاه كامل زي ماهو على حسب ما تحبي هتحطيه برضه نفس الخطوه ف الخضار التاني هنحطه ف التلاجه ساعه بدون غطاء و بعد كده هنقفل بالغطا المحكم.

كده اضمن ليكو أن الخضار يفضل طازه لمده اسبوعين و ممكن يزيد كمان.

طول ما الخضار معرض لتسريب هواء هيبوظ و مش هيكمل كام يوم بالطريقه اللي فاتت بنحافظ على مواردنا الماديه كمان لأن لما الخضار بيبوظ بنخسر اكل و فلوس . 

معظم علب الماركات لحفظ الخضار بيبقى مزود ب ب مصفاه داخليه لمنع التصاق الخضار بقاع العلبه عشان يمنع اي مياه انها توصله زائده هتلاقون علب لوك اند لوك كده كلها ب مصفاه داخليه و كمان علب ماركه سيستيما .

صحتنا و حياتنا احنا اللي بنختار تمشي صح ازاي عاوزين ننشر الوعي دا ف العالم كله حفظ الاكل ف بلاستيكات غير أمنه و غير معروفه الهويه بيؤدي إلى أمراض خطيره ربنا يعافينا منها 

لو عاوزين اي لينكات لما كات بلاستيك هبعتها ليكو ف الكومنتات ف انتظار تعليقاتكو

علامات للعلب البلاستيك الصحيه 👌

عشان تشتري علب صحيه و تبقى متطمن الخطوات دي 👇👇هتخليك متأكد من صحه العلب للاستخدام.

١_ اول حاجه الماركات المعروفه للبلاستيك الصحي بتبقى محفوره ع المنتج من الظهر مش مجرد كتابه على ورق أو تيكيت متعلق ع المنتج.

٢_ عشان تبقى واثق ومتاكد لازم يكون المنتج مكتوب عليه

Bpa free 

او 

Biss free 

و اللي احنا كتبناه دا دي اسامي مختصره للماده السامه اللي بتبقى متواجده ف الماده الخام للبلاستيك جميع الماركات الصحيه بتبقى خاليه تماما من المواد الضاره دي.

٣_المواد الخام المصنعه منها البلاستيك للماركات المعروفه و اللي احنا متأكدين منها بتبقى مواد خام أوليه غير معاد تدوريها .

٣_طبعا الشهادات الصحيه اللي بيكون حاصل عليها المنتج سواء من وزاره الصحه ف اي بلد أو موافقه الصحه الامريكيه و الأوروبيه بيكون من مهمه البائع انه يوصلك الورق دا أو يطلعك عليه أو لو انت واثق فيه اكيد هيبلغك بيه

٤_الخطوه دي بالنسبالي أهم خطوه لازم تركز فيها عشان فيه حولها جدل رهييييب و بعد نقاش و أبحاث و تكلمنا مع متخصصين ف البلاستيك الصحي وهي الأرقام اللي على البلاستيك 🤔🤔🤔ودا الكلام الأكيد اللي وصلنا ليه:

*رقم ١ لو مكتوب على علبه أو زجاجه و لو كان ماركه البلاستيك معروفه تاني ماركه البلاستيك لازم تكون معروفه و متأكدين منها دا معناه ان النوع دا من العلب يستخدم البقول أو الحبوب عموما ولو كان زجاجه مياه يبقى معناه انها تستخدم للمياه فقط يعني متنفعش للعصير أو لبن أو حاجات سخنه و مينفعش تتحط ف غساله الأطباق أو الميكرويف يعني آخر كلام رقم ١ ف الماركات الاصليه أمن تماما و له استخدام محدد يعني غير مفتوح الاستخدامات .

*رقم ٥ لو مكتوب ع الزجاجه أو العلبه معنى كده ان المنتج  أمن الاستخدام للمياه و العصائر و جميع انواع الطعام و كمان أمن الاستخدام ف غساله الأطباق  الميكرويف و برضه لازم تتأكد أن الماركه اصليه لأن سهل جدا كتابه رقم ٥ على اي منتج بلاستيكي.

*رقم ٧ ودا برضه عليه جدل كبير جدا و ناس كتير بترفض استخدامه مع انهم لو فكرو انه ازاي ماركات عالميه ممكن تضحي ب سمعتها ف انها تنتج منتج سام دا لا يعقل طبعا

قصه رقم ٧ كلها ف انه رقم ٧ ف الماركات الغير معروفه أو الماركات المضروبه طبعا لاينصح ف استخدامه لأنه يوجد بيه ماده سامه اللي هي bpa و دي خطر استخدامها نهائي لكن ف الماركات المعروفه بتبقى خاليه تماما من ألمواد السامه bpa و كمان أمن الاستخدام ف غساله الأطباق  الميكرويف و بيتحمل السوائل الساخنه كمان و مش بيتفاعل معاها

الخلاصه :كلنا هنرتاح لو متأكدين من الماركه اللي بنستخدمهامهما كان رقمها مفيش شركات عالميه هتضحي ب سمعتها بسهوله جدا و بتعدي المنتج على اختبارات مش بسيطه عشان يثبتوا صحته و لازم ناخود بالنا كويس جدا من البلاستيك المضروب و يفضل استخدام الماركات الاصليه فقط

🤩🤩🤩انا تحت امركو ف اي استفسار و انتظرو المزييييد