حفظ الطعام بطريقه أمنه و صحيه و تضمن انه يفضل طازه لأطول فتره ممكنه من أهم طلبات ست البيت ودا بيرجع لأسباب كتييير جدا . ياترى ليه🤔🤔
دي علبه لوك اند لوك صناعه فيتنام و قم ٥ حجمها ١.٨ لتر عمليه جدا ف حفظ الدقيق و العدس و الفاصوليا و غيره تشيل حوالي كيلو و حاجه بسيطه .
علبه لوك اند لوك الحبوب غطاها قلاب سعه ٢.٤ لتر مميزه جدا الدقيق و الشوفان و المكسرات و غيره تشيل حوالي كيلو ونص..
علبه لوك اند لوك ٢لتر العلبه دي حلوه اوي ف المكرونات بجميع انواعها و البقول برضه تشيل حوالي ٢ ك مكرونه سباجيتي و حوالي كيلو ونص بقول أو حبوب
- عدم حفظ البقول أو الدقيق و غيره بطريقه صحيه هيكون سبب من الأسباب المهمه لتكوين السوس و الحشرات و دا طبعا من مطلوب.
- الدقيق بجميع أنواع معرض جدا للرطوبه لو متحفظش بشكل سليم و صحي.
العلب الطويله هب الأنسب لحفظ البقول لأن لما هتستعمليها هتمسيكيها كأنك ماسكه ازازه بتصبي منها مايه ف هيبقى استعمالها سهل و عملي ليكي .
بعض علب البقول بتبقى معاها معيار صغير لتسهيل الاستخدام.
طيب عاوزين نعرف ايه أفضل الماركات اللي نستخدمها و تكون خاليه من أي مواد ضاره و صحيه
دي أفضل الماركات 👇
لوك اند لوك lock and lock
سيستيما sistema
كيرفر curver
طبعا انا دايما برشح لوك اند لوك ماركه مضمونه و معروفه من وقت طوييييل جدا.
جميع الماركات اللي احنا ذكرناها:
أمنه الاستخدام ف غساله الأطباق.
أمنه الاستخدام ف الميكرويف..
خاليه تماما من ماده bpa الضاره بالصحه.
معانا أشكال مميزه من تصويري لبعض الماركات. هرشح ليكو تحت كل صوره ايه أفضل استخدام ليها
من العلب المميزه لشركه لوك اند لوك و الحقيقه من أفضلها ف الاستعمال سعه ٢.٤ لتر يعني تشيل حوالي ٢ك الا حاجه بسيطه مزوده ب معيار أو زي كوبايه صغيره من فوق الغطاء انصحكوا ب استعمالها
علبه كيرفر صنع ف الاتحاد الأوروبي و الحقيقه هي ماركه لا غبار عليها وأمنه تماما ع الصحه بالنسبه للعلب اللي ف الصوره دي مميزه جدا لحفظ الحبوب و الدقيق و الشوفان و غيره تشيل حوالي كيلو و نص.
احب اقول لكل ست بيت مهتمه بالتنظيم و حفظ الطعام بطريقه صحيه مع العلب دي هتحسي فرق ف كل حاجه ف مطبخك و مش هتخسري طعام محفوظ و بالتالي هتخافظي على فلوسك .
